Vestanstevna

Sandavágs Ítróttarfelag

 
 

VESTANSTEVNAN 2018

 

So stendur vestanstevnan aftur fyri durum og líka sum seinast, ætla vit at skipa fyri einari festligari og litríkari skrúðgongu.

Bygdin er aftur deild upp í 7 økir, við hvør sínum liti (sami litur sum seinast )

Økini og litirnir eru hesi: 

1.      Ovaru Sarpar – Gult

2.      Niðaru Sarpar – Pink

3.      Frá Fossánni til Eingjartoftir (Milliónbrekkuna) – Reytt

4.      Frá Eingjartoftum (Milliónbrekkuni) til Úti á Bakka – Grønt

5.      Onundarvegur, í Heygagerði, undir Fobbakletti og Traðarvegur – Lilla

6.      Á Giljanesi, Nesavegur, Inni á Leiti, Giljavegur, Dalsbøur, Áarlið, á Giljatrøðni og Hammershaimbsvegur (heim til brúnna) – Blátt/turkis

7.      Miðhjallar og Ovastuhjallar – Appelsingult

 

Tað vit ímynda okkum er, at tit (í skrúðgonguni) á onkran hátt markera tykkara økið við tykkara liti. Eisini hugsa vit, at tit kunnu markera litin uttanfyri tykkara hús og í vindeygunum. Hetta kann gerast við blómum, krukkum, vimplum, ballónum osfr. Stuttligt hevði verði, um tit longu nú byrja at brúka tykkara lit uttandura. Eisini eru tit vælkomin at prýða Miðstaðarøkið við tykkara liti.

Alt er loyvt og einans hugflogið setur markið 

Undirtøkan seinast var sera góð og stuttligt var at síggja, hvussu nógv fólk gjørdu burturúr og hvussu uppfinningarsom fólk vóru.

Um tit ikki búðu her seinast vestanstevnan var, so kunnu tit spyrja onkran í tykkara grannalagi til ráðs.  

Skrúðgongan verður fríggjakvøldið 13. juli og verður hon skipað á sama hátt sum seinast. Tvs. at grannaløgini marsjera oman á Valloyruna og harfrá fylgjast øll heim á Miðstaðarøkið, har stevnan verður sett. Nærri kunning um tíðspunkt kemur seinni.  

 

Kærar heilsur

SÍF 

 
 

 
Vestanstevnan 2018 verður í Sandavági 13-15/7
 
Vit eru so smátt farin undir at fyrireika stevnuna. Er tað nakar, sum hevur okkurt hugskot, er viðkomandi vælkomin at senda tað til sif@sif.fo 
 
 

Sandavágs Ítróttarfelag. "SÍF"

Hammershaimbsvegur 8360 SandavágurTlf. 281099